Merkataritza-nabigazioko titulazio profesional bat lortu nahi duen edozein ikaslek egokitasun-probak gainditu behar ditu.

2023tik aurrera, urtean bi aldiz gutxienez, Merkataritzako Nabigazioaren Zuzendaritza Nagusiak (MNZN) proba horien deialdia egiten du, hala behar duten titulu profesional bakoitzerako. Ikasleak ontzian egin beharreko lanak egiteko gai direla bermatzea da helburua, STCW kodean ezarritako eta titulazio profesional horietako bakoitzerako zehaztutako arauen arabera.

Deialdi guztiek honako fase hauek dituzte:

  • Dokumentazioa

    Matrikulatzeko eskabideak eta dokumentazioaren aurkezpena

  • Behin-behineko zerrendak

    Behin-behineko zerrendak: onartuak eta baztertuak

  • Zuzenketak

    Dokumentazioa osatzeko eta hutsegiteak zuzentzeko epea

  • Behin betiko zerrendak

    Behin betiko zerrendak: onartuak eta baztertuak

  • Probak

    Egokitasun-probak egingo dira

Deialdiak

Deialdien nondik norakoak MNZNk urtero argitaratzen dituen ebazpenetan ezartzen dira. Esteka hauetan eskuragarri dago informazioa:

BOE-A-2022-2033

Alturako patroia
Litoraleko patroia
Itsas mekanikaria
Itsas mekanikari nagusia

BOE-A-2022-2034

Bigarren mailako pilotua
Bigarren mailako makinen ofiziala
Bigarren mailako erradioelektronikako ofiziala
Elektroteknikako ofiziala

Baldintzak

  • Gutxienez 18 urte izatea.
  • Titulazio profesional bakoitzari dagokion titulu akademikoa izatea.
  • Gaitasun fisikoaren ziurtagiri medikoa izatea, STCW Hitzarmenaren eranskineko I/9 araua betez. Itsasoko Gizarte Institutuko mediku batek eman behar du, edo hark zein STCW Hitzarmenaren parte den estatu batek aitortutako batek.
  • Ikaslearen Prestakuntzako Erregistro Liburuan ontziratze-aldiak betetzen direla eta titulazio profesional bakoitzerako eskatzen diren funtzioak betetzen direla frogatzea.
  • Titulazio profesional bakoitzerako nahitaezkoak diren nahikotasun-ziurtagiriak izatea, baita ezarritako beste egiaztagiri edo titulu espezifiko batzuk ere.

Datak eta epeak

Prozeduraren fase bakoitzaren datak eta epeak dagokion itsas kapitaintzaren eta barrutien informazio-paneletan zein prestakuntza-zentroetan argitaratuko dira.

Jarri harremanetan Bilboko Itsas Kapitaintzarekin zalantzak argitzeko edo titulazioekin lotutako izapideak egiteko

Ibañez de Bilbao kalea, 24
Bilbo, 48009

Tel.: 94 424 14 16

Fax: 94 424 80 57

Gogoratu!

Nahikotasun-ziurtagiriak lortzeko, Merkataritzako Nabigazioaren Zuzendaritza Nagusiak ezarritako ikastaro espezifikoak egin behar dira. Batzuk derrigorrezkoak dira eta titulu profesional guztiei dagozkie; adibidez, Oinarrizko segurtasun-prestakuntza.

Bermeoko Nautika eta Arrantzako LHIIk, MNZNk homologatutako ikasketa-zentroak, titulazio profesionalak lortzeko ezinbestekoak diren ikastaro horiek irakasten ditu.MNZNk homologatutako ikastaroak »